Sunday, 7 August 2016

ருசி தரும் நோய்கள்....

நீங்கள் பசிக்காக சாப்பிடாமல் ருசிக்காக பல உணவுகளை சாப்பிடும் பழக்கம் உள்ளவரா.?

வார,வாரம் குடும்பத்துடன் பெரிய,நட்சத்திர உணவகங்களில் சாப்பிட்டு விட்டு வருவதை பழக்கமாக வைத்திருப்பவரா?
அப்படி வசதியானவர் இல்லை ஆனால் வீட்டில் உணவின் சுவைக்காக அஜினோமோட்டோ உப்பை சேர்த்து ருசிப்பவரா?

 பணியிடம் காரணமாக  ஊர் விட்டு ஊர் வந்து  பாஸ்ட் புட் என்ற விரைவு உணவகங்களில் வெறு வழியில்லாமல் சாப்பிடுபவரா?

நீங்கள் எல்லோருமே இதை படிப்பது நல்லது.

உங்கள் உணவில் சுவை அதிகரிக்க சேர்க்கும்  அஜினோமோட்டோ உப்பு , பாஸ்ட்புட் கடைகளிலும், ஐந்து நட்சத்திர விடுதிகளி லும் பயன்படுத்தப்படும் ஜீரோ ஏடேட் ஹைட்ரோ ஜெனடேட் என்ற எண்ணெய் ஆகியவையின் கொடுமையான மறு பக்கத்தை கண்டிப்பாக நீங்கள் அறிந்து கொள்ள வேண்டும்.

 மேலைநாட்டு உணவகங்களில்  மட்டும் உணவுகளில் சுவைக்காக சேர்க்கப்பட்ட  இருந்த அஜினோமோட்டோ .தற்போது கிராமங்களில் உள்ள பெட்டிக்கடைகளில் கூட கிடைக்கிறது.
அதன் பின் விளைவுகள் பற்றி அறியாத மக்கள் உணவில் அஜினோமோட்டோ சுவை அதிகரிப்பதாக எண்ணி வாங்கி செல்கின்றனர்.
 மோனோ சோடியம் குளூட்டமேட்என்ற வேதிப்பெயரைக் கொண்ட  உப்புதான் , அஜினோமோட்டோ.

இந்த அஜினோமோட்டோவின் விஷத்த ன்மை கொண்டது.

 குறிப்பாக அஜினோமோட்டோ கலந்த உணவுகளை விரும்பி சாப்பிடும் குழந்தைகளுக்கு பலவித ஆபத்துகளை உருவாக்கும் என்று நிரூபித்துள்ளன.
 அஜினோமோட்டோ கலந்த உணவுப் பொருட்களை அடிக்கடி சாப்பிடும் குழந்தைகளுக்கு உடல் வளர்ச்சியைத் தூண்டும் ஹார்மோன் சுரப்பது வெகுவாக குறையும். 
இதனால் உடல் வளர்ச்சி தடைப்பட்டு உயரம் குறைகிறது. 
மேலும் இந்த ரசாயன  பொருள் மூளையில் ஆர்குவேட் நுக்ளியஸ் என்னும் பகுதியைப் பாதிப்பதால் உடல் எடை தாறுமாறாக அதிகரிக்கும்.

 மூளை மட்டுமின்றி இரைப்பை, சிறுகுடல், கல்லீரல் போன்ற உறுப்புகளிலும் அழற்சியையும், சிறு ரத்தக் கசிவையும் ஏற்படுத்துகிறது. இதனால் குழந்தைகளுக்குக் காரணம் கண்டுபிடிக்க முடியாத வயிற்றுவலி அடிக்கடி ஏற்படும்.

 ஒவ்வாமை உள்ள ஒரு சிலருக்கு இந்த வேதிப் பொருள் கலந்த உணவைச் சாப்பிட்ட சில நிமிடங்களிலேயே மார்பில் எரிச்சலும், மூச்சுத் திணறலும் ஏற்பட்டு, உடல் வியர்க்க ஆரம்பித்துவிடும்.

 அஜினோ மோட்டோவைப் போன்றே பாஸ்ட்புட் கடைகளிலும், ஐந்து நட்சத்திர விடுதிகளி லும் பயன்படுத்தப்படும் ஜீரோ ஏடேட் ஹைட்ரோ ஜெனடேட் என்ற எண்ணெய் பசு, எருது, பன்றி போன்ற பல விலங்கு களின் கொழுப்பிலிருந்து தயாரிக்கப் படுவதாகும். 

இதில் உடலுக்குத் தேவையற்ற ஒருவித கொழுப்பு இருக்கிறது

. பாக்கெட்டுகளில் கிடைக் கும் உருளைக்கிழங்கு சிப்ஸ், பீட்ஸா, சாக்லெட், துரித உணவுகள் போன்றவை இந்த எண்ணெய்யில்தான் தயாரிக்கப்படுகின்றன.

இந்த எண்ணெய்யைப் பலமுறை திரும்பத் திரும்ப பயன்படுத்தினாலும் உணவின் மணம் மாறாது பதினெட்டு மாதம் வரை உணவுப் பொருள் கெட்டுப் போகாது. 




ஆனால் இந்த எண்ணெய்யைப் பயன்படுத்தினால் உடலில் வேண்டாத கொழுப்பு சேர்ந்து இருதய நோய், புற்றுநோய், உடல் பருமன் எல்லாம் வந்துவிடும்.


விருந்துகளில் உணவு உண்போர் உடனடியாக வயிற்று உபாதையால் அவதிப்படுகிறார்கள். 
பல பெற்றோர்கள், குழந்தை இதையாவது சாப்பிடுகிறதே என்று ஆசை ஆசையாக பலரும் அதை வாங்கிக் கொடுப்பர். 

சில மாதங்கள், வருடங்கள் கழித்து இந்த நோஞ்சான் எக்கச்சக்கமாக சதை போட்டு ஊளைச் சதைதான் போடும்  .

பிறப்புக் கோளாறு, உறுப்புகளில் வளர்ச்சி யற்றத் தன்மை, தலைவலி, வாந்தி, வயிற்று வலி, செரிமானச் சிக்கல், கெட்ட கனவு, தூங்குவதில் சிக்கல், சோம்பல், மிதமாகும் இதயத்துடிப்பு, முடிகொட்டுதல், ஆஸ்துமா, பக்கவாதம், அல்சிமர்ஸ் என்ற முதுமை நோய் மற்றும் சர்க்கரை நோய் என்பவையெல்லாம் விரைவு உணவு கடைகளில் ,நடசத்திர ஓட்டல்களில் பயன் படுத்தப்படும் அஜினோமோட்டோவும்  ஜீரோ ஏடேட் ஹைட்ரோ ஜெனடேட்  எண்ணை  உபயோகித்து தயாரிக்கும் உணவுகள் அதை உண்டு மகிழ்பவர்களுக்கு இலவசமாக அள்ளி வழங்கும் பக்க விளைவு  நோய்கள் .

No comments:

Post a Comment

குறிப்பு:

1. வாசகர்கள் தங்கள் படைப்புகள், கருத்துகள், செய்திகளை gurugulam.com@gmail.com என்ற மின்னஞ்சல் முகவரிக்கு அனுப்புங்கள்.
2. அது உங்கள் பெயரிலேயே பதிவேற்றப்படும்.
3. இங்கு பதிவாகும் கருத்துக்கள் வாசகர்களின் சொந்த கருத்துக்களே.
4. கருத்தை நிராகரிக்கவோ, குறைக்கவோ, தணிக்கை செய்யவோ நிர்வாகத்திற்க்கு முழு உரிமை உண்டு.