Thursday, 26 November 2015

நமக்கே தெரியாம, நம்ம புள்ளைங்களுக்கு விஷத்தை கொடுத்திட்டு இருக்கோம்டே

சர்க்கரை வியாதி.. கார்போரேட் சதி!


“என்னடே முருகா… வியர்க்க விருவிருப்பாய் பரபரப்பா எங்க போய்ட்டு வர்ற…”

“இந்த குசும்புதானே வேண்டாங்கறது… வாக்கிங் போய்ட்டு வர்றேண்ணே…”

“ஏய்… நல்லாதானே இருக்க…”

“30 வயசு ஆகுதுண்ணே.. டாக்டர் இப்பவே வாக்கிங் போங்க, அப்போதான் சுகர்லருந்து தப்பிக்கலாம்னு சொல்லுதாரு.. அதான் இப்படி. அதுசரி அய்யாசாமியண்ணே… உங்களுக்குத்தான், 40 வயசு ஆகப்போகுதுல்ல… நீங்களும் ஜோதியில ஐக்கியமாயிட வேண்டியதுதானே… பேசிட்டே நடந்த மாதிரியும் ஆச்சு, நாலு விஷயம் பேசினதுமாதிரியும் ஆச்சு…’

“வீட்ல இருக்கிற மிஷின் பார்க்குற வேலைய மனுஷன் பார்க்க ஆரம்பிச்சாலே… இப்படி நாய்க்கு பயந்து ஓடி வர்ற மாதிரி இப்படி வாக்கிங் போகிற அவசியம் இருக்காது… ஏண்டே உங்க தாத்தா, எங்க தாத்தால்லாம் வாக்கிங் போயாடே 85 வயசு வரைக்கும் இருந்தாங்க…”

“ஏண்ணே… அந்தக்காலமும் இந்தக் காலமும் ஒண்ணாண்ணே..”

“ஒண்ணுதாண்டே… நானும் பார்த்துட்டு இருக்கேன்… ஊருல ரோம்ப பய இப்படித்தான் பேசிட்டு திரியீதிங்க… என் பாட்டன், பூட்டன் காலத்துல இருந்த அதே சூரியனும், நிலாவும்தான் என் காலத்துலேயும் இருக்கு, என் பேரன் காலத்திலேயும் இருக்கும்… இயற்கை மாறலடே… கண்ட கண்ட விளம்பரங்கள பார்த்துட்டு, நீங்கதானடே நாசமண்ணா போறீங்க…”

“சும்மா இப்படி பேசாதீங்கண்ணே… கார்ப்போரேட் காலத்துல எண்ட்ட பேசின மாதிரி, வேற யாருக்கிட்டேயும் இப்படி பேசிட்டு அலயாதீயும், அவ்ளோதான். சொல்லிட்டேன்…”

”கார்போரேட் காலம்னா.. என்னோட அர்த்தத்துல முட்டாப்பய காலம்னுதாண்டே சொல்வேன்…”

“அய்யாசாமிண்ணே… ரொம்ப ஓவராத்தான் பேசுறீங்க… சரியில்ல சொல்லிட்டேன்..”

“பேசுனா கோவம் வருதுல்லாடே… கண்ணுக்கு முன்னாடி நம்ம சந்ததியையே காசுக்காக… கொன்னுட்டு இருக்கிற கார்ப்போரேட் பண்ற அட்டூழியம்லாம் பார்த்துட்டு இருக்கிற எனக்கு வயிறு எரியுதுடே… அந்த கோவம்தான் இந்த மாதிரியெல்லாம் பேச வைக்குது…”

“நீங்க பேசுறது.. ஒரு மண்ணும் விழங்கல…”

“உன்னோட மர மண்டைக்கு புரியற மாதிரி சொல்றேன் கேளு, சக்கரை வியாதி பணக்காரங்க வியாதின்னு சொல்வாங்க கேள்விப்பட்டிருக்கியாடே…”

“ஆமா.. அது பழமொழி.”          

“அனுபவ மொழில்லாம் பழமொழின்னு சொல்லி சொல்லி ஒதுக்கி வச்சதுனாலதான், இந்த தலைமுறைங்க அதை பரன் மேல தூக்கி வச்சிட்டாங்க…”

“வாரத்துக்கு ஒரு தடவையோ, மாசத்துக்கு ஒரு தடவை சாப்பிட்ற கோழிக்கறி, இறைச்சிக்கறி எல்லாம், பணக்காரங்க தினமும் சாப்பிட முடியும்.  தினமும் இறைச்சி சாப்பிட்டா, உடம்புல கொழுப்பு சேரும்.  உடம்புல கொழுப்பு சேர்ந்தா சுகர் வரும்.  அந்த கொழுப்பை கரைக்கறதுக்காகதான், டாக்டருங்க நடக்க வைக்கிறாங்க…”

“சரிடே முருகா.. உங்க வீட்டுல இறைச்சி எத்தனை நாளுக்கு ஒரு தடவைடே எடுப்பாங்க…”

“எங்கண்ணே… மாசத்துக்கு ஒரு தடவைதான்…”

“மாசத்துக்கு ஒரு தடவை சாப்பிட்ற உடம்புக்குள்ள எப்படிடே கொழுப்பு சேரும்…? கோழிக்கறியும், இறைச்சியும் சாப்பிடாம எப்படிடே சுகர் வருது… பணக்காரர்களுக்கு மட்டும் வந்துட்டு இருந்த வியாதி இப்போ, கூழும் கஞ்சியும் குடிக்கிற அண்ணாடங்காச்சிக்கு எப்படி வருது…?”

“ஆமாண்ணே.. எப்படிண்ணே..”

“உன்னோட உடம்புல சேர்ற கொழுப்பு இறைச்சினால வரக்கூடியது கிடையாதுடே… எண்ணெய்னால வரக்கூடியது…?”

“என்னாண்ணே சொல்றீங்க…?”

“ஆமா உன்னோட வீட்ல சமையலுக்கு என்ன எண்ணெய் வாங்குற…”

“பொறிச்சாலும் எண்ணெயின் நிறம் மாறவே மாறாத சூரியகாந்தி எண்ணெய்தாண்ணே…”

“ நீ மட்டும் இல்லைடே முருகா… இந்தியாவுல இருக்கிற குறிப்பா தமிழகத்துல இருக்கிற 6.5 கோடி மக்கள்ல, 5 கோடி மக்கள் சூரியகாந்தி எண்ணெய்தான் பயன்படுத்திட்டு வர்றாங்க…”

“ஒரு நாளைக்கு தமிழ் நாட்டுல பயன்படுத்தக்கூடிய சூரியகாந்தி எண்ணெய்யின் அளவு (வீடு மற்றும் ஹோட்டல் மூலமாக) 1 கோடி லிட்டருக்கு மேல்.”

“நல்ல விஷயம்தானண்ணே… சூரியகாந்தி எண்ணெய் உடம்புக்கு நல்லதுன்னு நான் இணையத்துல கூட படிச்சிருக்கேண்ணே..”

“உன்னோட மேதாவித்தனத்துல தீய வைக்க… சூரிய காந்தி எண்ணெய் உடம்புக்கு நல்லதுன்னு படிச்ச நீ, சூரியகாந்தியோட உற்பத்தி அளவை என்னிக்காவது படிச்சிருக்கியா…”

“உலகத்துல ஒரு சில நாட்டுல மட்டும்தான், சூரியகாந்தியையே பயிரிடறாங்க… அது மட்டுமல்லாம, அப்படி பயிரிட்டு கிடைக்கிற சூரியகாந்திப்பூவிலிருந்து சென்னையில அயனாவரத்துக்கு கூட எண்ணெய் சப்ளை பண்ண முடியாது.  அப்படியிருக்கும்போது, கோடி கோடி லிட்டர் சூரியகாந்தி எண்ணெய் எங்கிருந்து வருது…?

“என்னாண்ணே.. அதிர்ச்சியா இருக்கு? அப்போ அந்த எண்ணெய்லாம் எங்கிருந்துண்ணே வருது…?”

“ம்… குரூட் ஆயிலிலிருந்து…”

“ஏண்ணே.. ரோடு போட்றதுக்கு யூஸ் பண்ணக்கூடிய தார் கூட, குரூட் ஆயிலிலிருந்துதானே எடுக்குறாங்க…”

“கரெக்ட்டா சொன்ன, அந்த தாருக்கு முந்தைய கட்டத்துலதான், நீ நினைச்சுட்டு இருக்கிற சூரியகாந்தி எண்ணெய்யையும் எடுக்கிறாங்க… அந்த குரூட் ஆயிலை, பல முறை சுத்திகரிப்பு செய்த பிறகு, அதுல நறுமணம் எல்லாம் மிக்ஸ் பண்ணி, நடக்குற பெரிய மோசடியிலதான், நாம சிக்கன் பொறிச்சு சாப்பிட்டுட்டு இருக்கோம்.”

“எல்லாத்துக்கும் வரிஞ்சுக்கட்டிட்டு வருவியேடே முருகா… நீ வாங்குற சூரியகாந்தி எண்ணெய் பாக்கெட்ல, அந்த எண்ணெய்ல என்னவெல்லாம் கலந்திருக்கும்னு நீ பார்த்திருக்கியா…?”

“இல்லைண்ணே..”

“பாரு… உண்மை புரியும்…”

“ஆமாண்ணே… அது சாப்பிட்டாதான் சுகர் வரும்னு லேப் டெஸ்ட் பண்ணி பார்த்தீங்களா…”

“அதான்… இந்த நொன்ன கேள்வியெல்லாம் எண்ட்ட கேளு, எங்க கேட்கணுமா… அங்க வாயை மூடிட்டு இரு. லேப் டெஸ்ட்லாம் வேண்டாம், உன் வீட்டு அடுப்பங்கறைக்கு போ, அந்த சூரியகாந்தி எண்ணெய் ஊத்தி வச்சிருக்கிற பாத்திரத்தைப் பாரு…”

“என்னா தெரியும்…”

“ம்… பாத்திரத்தோட வெளிப்புறத்தைப் பாரு… கொழுப்பு படிஞ்சி பிசுபிசுன்னு இருக்கும்… அந்த மாதிரி எண்ணெய் ஊத்தி வைக்கிற பாத்திரம் கூட ஒரு வருஷத்துல கெட்டுப் போகுதுண்ணா மனுஷன் நிலைமைய கொஞ்சம் யோசிச்சுப் பாருடே…”

“ஏண்ணே.. எங்க வீட்ல பிராண்டட் நல்லெண்ணெய், கடலை எண்ணெய் ஊத்தி வைக்கிற பாத்திரமும் அப்படித்தாண்ணே இருக்கு.”

 “டேய் முருகா… சூரியகாந்தி எண்ணெய் மட்டும் இல்லடே… நீ யூஸ் பண்ற பாக்கெட்ல வரக்கூடிய எண்ணெய் எல்லாம, குரூட் ஆயிலோட ஒரு பரிணாமம்தான்…”

”அப்போ நான் சாப்பிடவே முடியாதாண்ணே…”

“ஏன் முடியாது… பொறிக்கறதுக்கு கடலை எண்ணெய் வாங்கு, சமையலுக்கு நல்லெண்ணெய் வாங்கு…”

“எங்க போய் வாங்க்றது, யாரை நம்பி வாங்க்றது…”

“யாரையும், எவனையும் நம்ப வேண்டாம்… நல்லெண்ணெய் வேணும்னா, நாலு கிலோ எள்ளு வாங்கிக்கோ, கடலை எண்ணெய் வேணுமா கடலை 4 கிலோ வாங்கிக்கோ, செக்கு உன் ஏரியாவுல எங்க இருக்குன்னு தேடி கண்டுபிடி; உன் ஏரியாவுல இல்லியா, வேற ஊருக்குத்தான் போகணுமா ஒரு நாள் ஆபிசுக்கு லீவ் போட்டுட்டு, செக்குல போய் எண்ணெய்யை ஆட்டி வாங்கிட்டு வா… அந்த எண்ணெய்யை பயன்படுத்திப் பாரு… ஆரோக்கியம் தானா வரும்..”

“ரெண்டு லிட்டர் எண்ணெய்க்காக பல ஊருக்கு போகச்சொல்றீங்கலாண்ணே…”

“ நீ ஆரோக்கியமா இருக்கணும்னா.. இதை செஞ்சுத்தான் ஆகணும்.  இல்லாட்டி, பேய் வரக்கூடிய நேரத்துல இப்படி அரைக்கால் டவுசரை மாட்டிட்டு, நாய்க்கு போட்டியா கிரவுண்ட்ல நடக்க வேண்டியதுதான்…”

“ஏண்ணே.. கடலை எண்ணெய் கொழுப்பு இல்லையா…”

“கடலை எண்ணெய் கொழுப்புன்னு இந்த கார்போரேட் காரங்கதானடே பரப்பி விட்டது… கடலை எண்ணெய்ல இருக்கிறது 5 சதவீதம் கொழுப்புன்னா, நீ பயன்படுத்துற சூரியகாந்தி எண்ணெய்ல இருக்கிறது 99.9 சதவீதம் மறைமுகமா இருக்கு கொழுப்பு… ஏய் முருகா.. இது உன் மர மண்டைக்கு புரியணும்னு உதாரணத்துக்கு சொன்னேன்…”

“ஏன்ண்ணே.. கவர்மெண்ட் இதையெல்லாம் தட்டிக்கேட்காதாண்ணே..”

“டேய் தம்பி.. இந்தியா கார்போரேட் காரங்களோட சொர்க்க பூமி, இங்க  நீயும், நானும் வருமான பிரதி நிதிங்க அவ்ளோதான்… கார்ப்போரேட் கம்பெனி ஒவ்வொன்னையும் இப்படி தட்டிக்கேட்டுக்கிட்டே இருந்தா கவர்மெண்ட்டை எப்படி நடத்துறது… போய் செக்கு எங்க இருக்குன்னு பார்த்து, உன்னோட உடம்பை முதல்ல பாரு…”

“இன்னிக்கு பச்சைபுள்ளைங்களுக்கெல்லாம் சுகர் இருக்குடே.  எல்லாம் இந்த படுபாவி கார்போரேட் காரங்களோட பணத்தாசைடே…”

“ நமக்கே தெரியாம, நம்ம புள்ளைங்களுக்கு விஷத்தை கொடுத்திட்டு இருக்கோம்டே.  இங்க இயற்கை மாறல… மாறினது நீயும், நானும்தான்.  இங்க சுகர்ங்கற வியாதி, வியாதியே இல்லடே; அது கார்ப்போரேட் எண்ணெய் கம்பெனிகளின் சதி.  இதுக்குப் பின்னாடி மருந்து வர்த்தகம்னு மாபெரும் மார்க்கெட் ஒழிஞ்சிட்டு இருக்குடே… இதெல்லாம், டி.வி.யே கதின்னு கிடக்கிற மக்களோட மண்டைல என்னிக்குத்தான் உரைக்கப்போகுதோ…?”

“எனக்கு உரைச்சுடுச்சுண்ணே…”

“முதல்ல.. நீ திருந்து, அது போதும்.”

நன்றி : அய்யாசாமி தர்பார்

-- 

No comments:

Post a Comment

குறிப்பு:

1. வாசகர்கள் தங்கள் படைப்புகள், கருத்துகள், செய்திகளை gurugulam.com@gmail.com என்ற மின்னஞ்சல் முகவரிக்கு அனுப்புங்கள்.
2. அது உங்கள் பெயரிலேயே பதிவேற்றப்படும்.
3. இங்கு பதிவாகும் கருத்துக்கள் வாசகர்களின் சொந்த கருத்துக்களே.
4. கருத்தை நிராகரிக்கவோ, குறைக்கவோ, தணிக்கை செய்யவோ நிர்வாகத்திற்க்கு முழு உரிமை உண்டு.