Sunday, 14 September 2014

முடங்கிய முடிவுகள் ஒவ்வொன்றாக வெளியீடு : டி.என்.பி.எஸ்.சி., திடீர் சுறுசுறுப்பு

கடந்த, 2011, 12, 13ம் ஆண்டுகளில் போட்டித் தேர்வு நடந்து, இறுதிமுடிவு வெளிவராமல் முடங்கிக் கிடந்த பல தேர்வுகளின் முடிவை,ஒன்றன் பின் ஒன்றாக, தற்போது, டி.என்.பி.எஸ்.சி., (அரசுப்பணியாளர் தேர்வாணையம்)
வெளியிட்டு வருகிறது. டி.என்.பி.எஸ்.சி.,கடந்த

காலங்களில், நடத்திய பல்வேறு தேர்வுகளின் முடிவை வெளியிடாமல்,

அப்படியே கிடப்பில் போட்டு இருந்தது. வழக்குகள் உள்ளிட்ட, பலபிரச்னைகள் காரணமாக, இறுதி முடிவுகளை வெளியிடுவதில்,ஆண்டுக்கணக்கில் இழுபறி ஏற்பட்டு வந்ததாகக் கூறப்படுகிறது.

இந்நிலையில், டி.என்.பி.எஸ்.சி.,யின் தற்போதைய தலைவர்,பாலசுப்ரமணியன், முடங்கிக் கிடந்த பல தேர்வுகளின் இறுதி முடிவை,ஒன்றன் பின் ஒன்றாக வெளியிட்டு வருகிறார்.

சமீபத்தில், குரூப் 2 முதல்நிலை தேர்வு முடிவை, டி.என்.பி.எஸ்.சி.,வெளியிட்டதுடன், முதன்மை தேர்வு தேதி குறித்த அறிவிப்பையும்,சமீபத்தில் வெளியிட்டது. இதைத் தொடர்ந்து, 2011 முதல், 2013 வரைநடந்த மூன்று தேர்வுகளின் இறுதி முடிவை, நேற்று வெளியிட்டது.
கடந்த, 2011, பிப்ரவரி 21, மார்ச் 6 ஆகிய தேதிகளில், 86 வனச்சரகர்பணியிடங்களை நிரப்ப, எழுத்து தேர்வை நடத்தியது. பின், 2012,ஆகஸ்ட், 22, 23ம் தேதிகளில், நேர்முகத் தேர்வு நடந்தது. இரண்டுஆண்டுகளுக்குப் பின், நேற்று, இறுதி பட்டியலை, www.tnpsc.gov.in என்றஇணையதளத்தில் வெளியிட்டது. கடந்த ஆண்டு, மீன்வளத் துறையில்,சார்நிலை ஆய்வாளர் பதவி யில், 24 இடங்களை நிரப்ப எழுத்து தேர்வுநடந்தது. கடந்த, 4ம் தேதி நேர்முகத் தேர்வு முடிந்த நிலையில், இதன்முடிவையும், டி.என்.பி.எஸ்.சி., நேற்று வெளியிட்டது.
இதேபோல், சென்னையில் உள்ள, 'டேட்டா சென்டரில்' (அரசு தகவல்தொகுப்பு மையம்) 25, கம்ப்யூட்டர் ஆபரேட்டர் பணியிடங்களை நிரப்ப, 2013ல் எழுத்து தேர்வும், கடந்த ஆகஸ்டில், நேர்முகத் தேர்வும் நடந்தது.இதன் இறுதி முடிவும், நேற்று வெளியானது.

இதுகுறித்து, தேர்வாணைய உறுப்பினர் ஒருவர் கூறியதாவது: பலஆண்டுகளாக, பல மாதங்களாக முடங்கியிருந்த பல தேர்வுப்பணிகளை, விரைந்து வெளியிட வேண்டும் என, தலைவர்உத்தரவிட்டுள்ளார். அதன் காரணமாகவே, பழைய தேர்வுகளின்முடிவுகள் வந்து கொண்டிருக்கின்றன. தேர்வுப் பணிகள், நீண்ட நாட்கள்முடங்காதபடி, உடனுக்குடன், முடிவை வெளியிட, தற்போது,பணியாளர்கள் முடுக்கி விடப்பட்டுள்ளனர். இவ்வாறு, அந்த உறுப்பினர்தெரிவித்தார். முடங்கியிருந்த பல தேர்வு களின் முடிவை, அடுத்தடுத்துதேர்வாணையம் வெளியிட்டு வருவது, தேர்வர் மத்தியில் மகிழ்ச்சியைஏற்படுத்தி உள்ளது.
மேலும் இந்த மாத கடைசி வாரத்தில் குருப்4 அறிவிப்பு வரவிருக்கின்றது....

நன்றி TNKALVI

என்றும் உங்களுடன்
Santhosh P

1 comment:

  1. தேர்வான தேரோடும் திருவாரூர் நண்பர்களே நாமும் நன்றி தெரிவிக்க ஒன்றுபடுவோம்
    ராஜராஜன்
    9944355534.

    ReplyDelete

குறிப்பு:

1. வாசகர்கள் தங்கள் படைப்புகள், கருத்துகள், செய்திகளை gurugulam.com@gmail.com என்ற மின்னஞ்சல் முகவரிக்கு அனுப்புங்கள்.
2. அது உங்கள் பெயரிலேயே பதிவேற்றப்படும்.
3. இங்கு பதிவாகும் கருத்துக்கள் வாசகர்களின் சொந்த கருத்துக்களே.
4. கருத்தை நிராகரிக்கவோ, குறைக்கவோ, தணிக்கை செய்யவோ நிர்வாகத்திற்க்கு முழு உரிமை உண்டு.